गोंडगोवारी जमातीचा निवडणुकीवर बहिष्कार कायम
पत्रकार परिषदेत दिली माहीती
गोंदिया : संघर्ष कृती समितीने विधानसभा मतदारसंघाच्या निवडणुकीत गोंडगोवारी जमात मतदान करणार नाही. तर या निवडणुकीवर संपुर्ण बहिष्कार असेल असे जाहीर आवाहन करण्यात आले आहे. त्यामुळे मतदानावर महाराष्ट्रात बहिष्कार कायम आहे अशी माहिती गोंड गोवारी संघर्ष कृती समितीच्या वतीने शुक्रवार (ता. १५) गोरेगाव येथील गुरूकूपा लाॅन येथे आयोजित पत्रकार परिषदेतून देण्यात आली.
यावेळी विजयकुमार नेवारे,सुरेशकुमार नेवारे,अनिल राउत,राजेश सोनवाने,नरेंद्र भोंडे,कुंभकरण राउत,भिमराज सोनवाने, दिपा राउत,वैशाली राउत,अनिता नेवारे,नंदलाल सोनवाने उपस्थित होते. शासनाने गोंडगोवारी जमातीची २४ एप्रील १९८५ च्या शासन निर्णयातील असंविधानिक व चुकीची माहीती सर्वोच्च न्यायालयात दिली. त्यानुसार २०२० ला निकाल जाहीर करण्यात आला. पण गोंडगोवारी जमातीने संस्कृती प्रमाणे दुरुस्ती करण्याची मागणी शासनाला करण्यात आली. ती मागणी मान्य करण्यात आली नाही.
महाराष्ट्रात विधानसभा निवडणुकीत गोंडगोवारी जमातीचा बहिष्कार असेल असी घोषणा समितीने केली. गोंदिया जिल्ह्य़ात दिड लाख गोंडगोवारी जमात आहे. महाराष्ट्रात गोंडगोवारी जमातीचा बहिष्कार ठाम आहे. त्यामुळे राजकीय पक्षांचे गणित बिघडणार आहेत. आदिवासी गोंडगोवारी जमात संवैधानिक हक्कासाठी लढाई लढत राहणार आहे. अशी माहिती पत्रकार परिषदेत स्पष्ट करण्यात आली.
हमारे चैनल को सब्सक्राइब करे
