आशिया खंडातील सर्वात मोठ्या गुहेतील देवस्थानाला मिळणार ‘अʼ तिर्थक्षेत्र दर्जा !
◼️माजी मंत्री राजकुमार बडोले यांचे पाठपुराव्याला यश
गोंदिया : आशिया खंडातील सर्वात मोठी गुहेतील देशातील गोंड आदिवासी बांधवाचे श्रध्दास्थान असलेल्या सालेकसा तालुक्यातील कचारगड देवस्थानाला तीर्थक्षेत्र विकास योजनेंतर्गत “अ” तिर्थक्षेत्र दर्जा मिळावा यासाठी माजी सामाजिक न्याय व विशेष सहाय्य मंत्री इंजि.राजकुमार बडोले यांनी केलेले प्रयत्न फळाला येणार असून त्या दृष्टीने राज्यशासनाकडून सकारात्मक प्रतिसाद मिळलेला आहे.
बडोले यांनी केलेल्या पाठपुराव्याकडे लक्ष देत उपमुख्यमंत्री देवेंद्र फडणवीस यांनी तात्काळ 8 जुलै रोजी प्रधान सचिव ग्रामविकास मंत्रालय यांना पत्र पाठवून त्वरीत कार्यवाही करण्याचे निर्देश दिले आहे. त्यामुळे कचारगड देवस्थान धनेगाव ला “अ” वर्ग तिर्थक्षेत्राचा दर्जा देण्याचा मार्ग मोकळा झाला आहे.
गोंदिया जिल्ह्याच्या शेवटच्या टोकावर व छत्तीसगड राज्याच्या सीमेला लागून असलेल्या सालेकसा तालुक्यातील धनेगाव येथे कचारगड गुहा असून हे देवस्थान देशातील गोंड आदिवासी बांधवाचे ‘महाकाली कंकाली पारि कुपार लिंगोʼ हे फार मोठे पुरातन श्रध्दास्थान आहे. विशेष म्हणजे ही गुहा आशिया खंडातील सर्वात मोठी गुहा असून या ठिकाणी फेब्रुवारी–मार्च महिण्यात माघ पोर्णिमेच्या निमीत्ताने मोठी यात्रा भरते. यावेळी देशभरातील लाखो आदिवासी बांधव या तिर्थस्थानाला भेट देवून आपल्या आराध्य दैवतांची पुजा अर्चा करुन आपली मनोकामणा पुर्ण करतात. तेव्हा अशा या पुरातन तिर्थक्षेत्राला ‘अʼ तिर्थक्षेत्राचा दर्जा मिळावा अशी मंदिर कमिटीची व भावीकांची मागणी होती. या संदर्भात तत्कालीन जिल्हाधिकारी डाॅ. कादंबरी बलकवडे यांनी 2 ऑगष्ट 2019 ला उपसचिव ग्राम विकास विभागाला तसा प्रस्तावही सादर केला होता.
या अनुषंगाने कचारगड देवस्थान कमिटीचे अध्यक्ष दुर्गाप्रसाद कोकोडे यांनी अलीकडेच माजी मंत्री राजकुमार बडोले यांना लेखी निवेदन देवून चर्चा केली होती. दरम्यान, या बाबीचे गांभीर्य लक्षात घेता माजी मंत्री राजकुमार बडोले यांनी 4 जुलै 2024 ला उपमुख्यमंत्री देवेंद्र फडणवीस यांची मुंबई येथे भेट घेऊन कचारगड देवस्थान धनेगावला ‘अʼ तिर्थक्षेत्राचा दर्जा देणे बाबत निवेदन देऊन सविस्तर चर्चा केली होती. त्यावर उपमुख्यमंत्री देवेंद्र फडणवीस यांनी 8 जुलै 2024 रोजी प्रधान सचिव ग्राम विकास यांना कारवाई करून हा प्रश्न लवकरात लवकर निकाली काढण्याचे निर्देश दिले आहे. त्यामुळे आशिया खंडातील सर्वात मोठ्या गुहेत असलेल्या या कचारगड देवस्थान धनेगावला ‘अʼ वर्ग तीर्थक्षेत्राचा दर्जा मिळण्याचा मार्ग मोकळा झाला आहे
००००००००००००