अकोल्यात कांग्रेसला मोठा धक्का..!
-कांग्रेस नेते आकाश शिरसाट यांचा वंचित आघाडीत पक्ष प्रवेश
-आकाश शिरसाट यांच्या पक्षप्रवेशाने वंचितला महानगरात बळकटी येणार – ॲड. आंबेडकर
अकोला : शहर काँग्रेस कमिटीचे सचिव तथा अनुसूचित जाती विभागाचे माजी महानगराध्यक्ष आकाश सहदेवराव शिरसाट यांनी आज काँग्रेसला सोडचिठ्ठी देत वंचित बहुजन आघाडीचे राष्ट्रीय अध्यक्ष ॲड
प्रकाश आंबेडकर यांच्या हस्ते वंचित बहुजन आघाडीमध्ये जाहीर पक्षप्रवेश केला.
आकाश शिरसाट हे विद्यार्थी दशेपासून काँग्रेस पक्षात सक्रिय होते. त्यांनी NSUI विद्यार्थी काँग्रेस अकोला जिल्हा महासचिव, अकोला युवक काँगेस सचिव, अकोला शहर युवक काँग्रस उपाध्यक्ष, अकोला शहर अनुसूचित जाती विभाग अध्यक्ष अशी अनेक पदांवर काम केलेले आहे. त्यांनी ऐन निवडणुकीच्या काळात आकाश शिरसाट यांनी काँग्रेस पक्षाला सोडचिठ्ठी दिल्याने याचा मोठा फटका काँग्रेसला बसला आहे. त्यांनी त्यांच्या काँग्रेसच्या काळात अनेक आंदोलने मोर्चा निदर्शनामध्ये सहभाग घेतला होता. आकाश शिरसाट यांच्या पक्षप्रवेशामुळे वंचित आघाडीला महानगरात बळकटी येणार असल्याचे मत ॲड.बाळासाहेब आंबेडकर यांनी व्यक्त केले.
पक्षप्रवेशावेळी वंचितचे जिल्हा महासचिव मिलिंद इंगळे, माजी नगरसेवक गजानन गवई, जीवन डिगे, राहुल शिरसाट, उमेश गोपणारायन, किरण शिरसाट, अंगद शिरसाट, रामेश्वर मोरे, आशिष शिरसाट, योगेश मालोकार, विनोद वानखडे, आकाश वानखडे, सुनिल गीते, जय वानखडे, जितेंद्र गवई आदींची उपस्थिती होती.